دلع مرء

• سيبوا الشرطه تنزل تشوف شغلها... دلع مرء
• سيبوا البورصه تفتح... دلع مرء
• سيبوا الجيش يشتغل... دلع مرء
• أدوا حكومة شفيق فرصة ... دلع مرء
• سيبوا ميدان التحرير, وسط البلد وقفه ... دلع مرء

أحنا دخلين علي فترة ديموقراطيه (مش الديمو/قراطيه بتاعت القذافي), و كل واحد من حقه يقول رأيه 

و ده رأي! ولو حد أتضايق أنا فعلان مش قصدي أغلط في حد!!!!

تحظير: عشان تفهم رأي, حاول تتخيل أنك قاعد جوه علبة الكمبيوتر

البني ادم عباره عن مخ, و المخ ده عامل زي الكمبيوتر! عباره عن جمجمه جواها hardwar! ال hardware ده لازم نحمل عليه software عشان يشتغل , يأمه هيوبقي حاجه ملهاش قيمه , و ممكن نستخدمه ديكور , زي عصام بتاع فيلم "كده رضا"

و طبعاً زي الكمبيوتر, أهم software هوه ال operating system

ليه أسمه system؟

عشان لما بتحب تعمل حاجه, بتمشي علي خطوات معينه 

يعني لو عايز تتكلم, الأول بتفكر أنت عايز تقول ايه وبتستخدم الsoftwares التانيه عشان تساعدك تكون الجمله, بعد كده الhardware بيبعت الجمله لhardware اللسان اللي عليه software الصوت و بكده تقدر تتكلم!!

لو انت اول مره تتعامل مع الsystem ده, زي الأطفال, هتاخد وقت تتعود عليه , و بعد كده هتبقي بتعمل اللي أنت عايزه بيه بدون وعي!

مثال تاني: لو أنت عايز تنهب البلد , هتمشي بsystem! الأول هتحط عينك علي الأنت عايز تنهبه,  هتفكر أزاي تنهبه و ايه اللي هتحتاجه, فتروح عامل install لsoftware الفساد و الجهل و الظلم و العشوئيات و تعمل hacking لعقول الناس و تستخدم emailلاتهم زي مأنت عايز... و مع الوقت برضه الموضوع هيبقي بالنسبالك تلقائي, مش هتدرك انك بتسرق و أن السرقه دي حرام

كل system بقي مش زي التاني

microsoft مش زي mac مش زي Linux

عشان كده البني ادمين برضه مش زي بعض

اللي عنده system الفقر و الجهل مش زي اللي عنده system الترف و التعليم مش زي الي عنده system الأمومه و العاطفه مش زي اللي عندهsystem الحكمه و الصبر....

اللي بيقول

سيبوا الشرطه تنزل تشوف شغلها, سيبوا البورصه تفتح, سيبوا الجيش يشتغل, أدوا حكومة شفيق فرصة ,سيبوا ميدان التحرير, وسط البلد وقفه

  فالأغلب فالsystem بتاعه عنده folder أسمه الدلع المرء!

فالوقت اللي حضرتك خايف علي عربيتك لا تتسرق, في أعداد رهيبه بتروح كل حته مشي عشان معهاش فلوس تركب

فالوقت اللي حضرتك خايف عالأسهم بتاعتك فالبورصه, في أعداد رهيبه معاها مؤهل (اللي الحكومه قالت لهم أنهم لازم يخدوه) مش عرفه تشتغل

فالوت اللي حضرتك متضايق من الدبابات اللي فالشارع, في أعداد رهيبه بيتها قرب يتدفن تحت الزباله

فالوقت اللي حضرتك مش عارف تروح فيه cafe du paris , في أعداد رهيبه بتموت عشان تجيب رغيف العيش

الكمبيوتر لو فيه فيروس واحد , بيهنج الكمبيوتر كله!!!!!!!

عشان كده الناس لسه بتنزل و تصرخ وتقول...

الشعب يريد فرمتت الجهاز  D=

شفيق ياااا راجل؟!!!!

الراجل هايل, و حقق أنجازات كبيره في وزارته

بس هو متعود علي system معين يا جماعه

وحنا دلوقتي عايزين نحط system جديد اسمه الديموقراطيه

فلو شفيق جه يعمله install, الجهاز هيقله بمنتهي البساطه : 

error: the software your are trying to install uses a language that the mubarak system cannot understand 

الراجل كبير و مفيش وقت نعلمه, فخلاص نجيب حد فاهم يستخدم الsystem بتاعنا!

نفس الكلام ينطبق علي الشرطه و لوين مش كل الشرطه وخده الvirus

ولكن اللي اكيد أن أغلب اللي بيتعملوا مع الشعب فالمرور و الأقسام و اكيييد أمن الدوله وخدينه و أشك أن في دلوقتيvirus scanner بيحل المشكله دي

أزاي نعالج حوالي 2 مليون شخص فوزارة الداخليه من مرض "أنت مش عارف أنت بتكلم مييييين؟!"؟

لازم علي الأقل يكون في خطه معلن عنها عشان لما مدير أمن يقول لكل  اللي تحته "أحنا أسيدهم, واللي يمد ايده علي سيده..." 

 يكون رد الظباط "أسياد ايه بس, ده أحنا المفروض اللي  نكون بنخدمهم بايدنا"

و عشان أبقي أيجابيه, أنا عندي أقتراح: بدل ما بنودي لعيبة الكوره معسكرات بره, نودي قيادات الشرطه بره يقعدوا شهرأوأتنين في معسكر مع أطباء نفس و متخصصين شرطه, يفهموهم يعني ايه "الشرطه في خدمة الشعب" , و لما يرجعوا و ينزلوا الشارع , يبقي في تقييم لتنفذهم للي أتعلموه

لما الفكر ده و الثقافه دي تكون وصلت للقيادات, أنا شخصياً هجيب ورد و شوكالاته و هنزل أوزعها علي الظباط

الجيش:

أنا لما شفت الجيش نزل يوم 28 ,عرفت أن الثوره هتنجح!!!

أنا أتولدت سنه 1988, يعني كل علاقتي بالجيش تتمثل في خالي (الله يرحمه) اللي كان طيار و شارك فكل الحروب, و فزمايلي الولاد اللي من أول ما دخلوا الجامعه وهما وأهلهم بيخططوا أزاي أبنهم ياخد أعفا! و مكنتش أقدر ألومهم الصراحه

بس دلوقتي (و ده في رأي الشخصي) اللي لسه بيفكر هيزوغ من الخدمه أزاي , يبقي و لا مؤاخذه مش راجل!

الجيش رغم أتخن تخين هو اللي ضمن و بيضمن نجاح الثوره! و اللي شايف غير كده, يشوف اللي جزء من جيش ليبيا عامله فالشعب!

بس في نقطه مهمه بقي...

الجيش بيتدرب علي أنه لو واحد مس حبايه من رمل أرض مصر, يقضي عليه!!!

مفيش course بورصه فالجيش! في أداره عسكريه, مفيش أداره مدنيه!!!

عشان كده الجيش لازم يتخلص من مهمة الأداره و يركز فمهمة الأشراف

الجيش لازم يسيب أداره البلد لناس بتفهم بس يفضل واقف فوق دماغهم عشان محدش "تسول له نفسه", و أكيد الناس دي مش حكومة شفيق

حكومه شفيق:

اللي فيها ناس زي مثلاً وزير الخارجيه اللي خلي المصري لما يسافر بره ما يسواش نكله,  أو مثلاً وزير العدل, اللي الأنتخابات اتزورت تحت أشرافه!

يبقي دلع مرء وله مش دلع مرء لمه حد يقول للناس كفايه كده؟!

و علي فكره أنا مش بتكلم علي الناس اللي مستواها كويس بس.

أنا الشغاله بتاعتنا بتقول كفايه برضه!

سألتها:

أنتي أولادك بيشتغلوا؟ تقولي لأ

أنتي بتخدي معاش لجوزك اللي مات؟ تقولي لأ

أنتي بنتك اللي فأبتدائي, بتتعلم حاجه فالمدرسة, ولا بتعرف تقرأ و تكتب أصلا؟ تقولي لأ

قمال كفايه ليه يا بنت الحلال؟

تقوللي أصل الشارع مبقاش أمان, وأحنا كنا عيشين و مستوره الحمد لله بقي و خلاص.

دلع مرء

عشان بقت خايفه من اللي مش عارفاه , و اللي مش قدره تستوعبه عشان هيه مبتعرفش تقرأ و تكتب أصلأً, رضيت بالهم! 

الناس اللي عمله مظهرات فالشركات و لونْي ضضدها, لكن غذراهم

و الناس اللي بتقول كفايه, أنا برضه عذراهم

و الشرطه اللي خايفه تنزل, عذراهم 

و شفيق اللي أتحط فأسواء موقف فالدنيا, عذراه!

و أكيد انا اللي عايزه الثوره تكمل, في ناس بتقول معلش و برضه عذراني!

الناس عذره بعض عشان عرفين أنهم مش بيستخدموا نفس الsystem

و الناس اللي مش عذره, زي اللي يقول دول نولع فيهم, دي بقي ناس أتعملها hacking علي أعلي مستوي, و الdata اللي عندهم مش مبينلهم ان في systems تانيه فالبلد!

لازم البلد كلهااااا يتعملها format!

لازم folder الدلع المرء ده يتمحي

لازم نكون كلنا دلوقتي علي نفس الsystem الجديد اللي أسمه مصر الديموقراطيه!!!!

و كل واحد يستخدم الsoftwares اللي عنده بقي

اللي عنده سياسه, يستخدمها

اللي عنده علم, ياااا رييييت يستخدمه

اللي عنده أقتصاد

اللي عنده صحه

اللي عنده حكمه

حتي اللي عندها أمومه, تدعي للبلد, مفيش أحلي من دعاء الأم

أحنا هنشوف سنه سوده ده أكيد, أن مكنوش أتنتين.

بس لازم نبطل دلع و ننشف شويه كده!!!!!

اليابان لما أتضربت بقنبله نوويه, الأطفال راحوا المدرسه تاني يوم, بس مكنش في "مدرسه"!

محدش من العيال قال: يا miss الشمس مضيقاني

مهاتير محمد لما مسك وزارة التربيه و التعليم في ماليزيا (تعليم تاني اهه) محدش قال ده طبيب جراح, ده مبيفهمش فالتعليم, ولا حد قال ده قعد كزه سنه بره البلد, ده راجل أجنده!

الحجج و الأشاعات و الأعذار دي دلع مرء 

و لو مبطلنهاش والله لنرجع 100 سنه لوره!!

مصر دلوقتي عمله زي الصلصال!!! يا هنشتغل مع بعض عشان نعمل بيها شكل حلو

يا كل واحد هياخد حته و مش هيعرف يعمل بيها حاجه!

ها؟ تيجوا نبطل دلع و نتوكل علي الله؟